Lavared nann eveldom ha beza european, ekolojist, altermoňdialist, rei skoaz an eil d'egile

Ekolojisted om, europeaned, a-du gand eur Goňstitusion evid an Europ ha voti a rafom « nann » an 29 a viz mae a deu.

An treted a diazez eur Goňstitusion evid an Europ (TKE) ez eus bet kavet abeg outaň ken ha ken gand ar re C'hlaz euz Bro C'hall abalamour ma heuill heňchou ar produktivism hag ar liberalism diroll ; daoust da ze an darn vrasa anezo e oa fellet dezo ober kampagn evitaň.

Setu perag ni, ekologisted ar Fraňs, a-du gand an Nann, a gas ar c'halvadeg-maň en dro d'an Europ.

An treted-ze a ra gwir bater euz ar pez o-deus stoumet a viskoaz outaň an ekolojisted ; lakad a ra al liberalism da digemer ar produktivism en eur vond a-eneb an ekonomiez. O veza m'ema on anaoudegez ganeom ne c'hellom ket chom mud.

• Dogm ar c'hresk evitaň e-unan zo chomet da vad evel eun objektiv ekonomikel en U E oc'h ober troc'h gand on choaz da vond a eneb ar produktivism ha da adweled an doare da diorren. Gand an dogm-maň a teu an diskleriaduriou evid ar stourm a-eneb ar cheňchameňchou en temz-amzer da veza dister ; ober a ra harz ouz an emgann a-eneb foeltr an traou hag evid beza mestr war goňsomasion an energiez.

• Ar youl da greski produktivite ar labour-douar a zav da vad eur politik a lak ar mêziou da vervel tamm ha tamm.

• Ar madou boutin evel ar zervijou red-oll, an dour pe an douar, an deskadurez, ar yec'hed pe ar c'hultur a deu da veza marc'hadourez nemetken. Ar marc'had dibrenn, meulet forz pegement gant titl III an treted, ne c'hell ket zeveni an ezommou diazez-ze.

• Ar stag ouz an OTAN meneget krenn ha krak, an objektiv red-red da diorren industri an armou, engouestl ar Stadou-izili da wellaad tamm-ha-tamm kapasiteou o armeou, ar traou-ze a diskouez, evidom an ekolojisted, paotred ar peoc'h, eur youl da droc'ha on folitikerez dizarma hag on diviz da harza ouz ar freuz hag ar reuz a-raog ma zavo bec'h.

• Eun treted evid ar goňstitusion, zavet a dao gand eun toulladig tud, ne c'hell ket beza dorn diazez federasion sitoianed an Europ an hini zo c'hoantet du ganeom, ha ne c'hell ket beza demokratelez ar c'hemer perz, lakeet war-raog gand an ekolojisted.

Greet on-eus on choaz da stourm evid gwareza ar blanedenn ha cheňch ar bed adaleg bremaň heb nac'h ar mennadou uhel a vez ganim. Ne droom ket kein ouz huňvre meur an Europ. Ne digemerom ket eur program politikel evid eun ekonomiez produktivist ha liberal hag a vez oc'h ober evid he distruj.

An debat diwar-benn eur Goňstitusion evid an Europ zo dreist da intent pelec'h ema an dalc'h gand politik an Europ hag a-ze vo grêt war-dro on amzer da zond. Dleet eo deom kemer bec’h war on choukou ha dougen an debat-se e kreiz an dud en Europ.

Lavared Nann zo, evidom, nac'ha ar fatalism, nac'ha plega on fennou.

Ar gaou zo gand ar re a lavar ne vije mann ebed estroc'h evid ar mennad-koňstitusion-ze.
Red eo soňjal da vad en integrasion bolitikel etrezeg eur Federasion european, eur parlamant hag eur gouarnamant european dezi ^[1]. Bez' eus euz an Europ. Lavared ne vo ket a Goňstitusion evid an Europ ma ve nac'het an treted-ze dre ar votou, zo diskredi e vije euz mouez an oll en Europ, euz an Europ e keňver ar politik, diskredi e vije red honnez e-tal an istor.

Abalamour da ze ha dre ma vefe deread ha just eun debat e-touesk an dud, e tle beza plas evid an Nann euz an ekolojisted. An Nann deom-ni zo ekologist hag european, eun Nann evid ar re en gorto euz eur gwir Goňstitusion european, eun Europ politikel, sitoian ha federal, an hini on eus stourmet dalc'hmad eviti.

An da sinañ ar galv / Mont e darempred

Listennad ar sinerien

[1] : Sellet ouzh kinnigoù kentañ Joshka Fischer en e brezegenn ziazez bet distaget e Skol-veur Humboldt e Berlin d'an 12 a viz Mae 2000.